பாதுஷா

மைதா – 1 கப்

வெண்ணெய் – 50 கிராம்

பேக்கிங் பவுடர் – 1 சிட்டிகை

சமையல் சோடா – தேவையான அளவு

தயிர் – 1 டீஸ்பூன்

சர்க்கரை – 2 கப்

தண்ணீர் – 1 கப்

எலுமிச்சைச் சாறு

ஏலக்காய் – 3 (அல்லது வேறு எசென்ஸ்)

கேசரிப் பவுடர் அல்லது வேறு கலர் – விரும்பினால்

செய்முறை:

ஒரு அகலமான பாத்திரத்தில் மைதாவுடன் பேக்கிங் பவுடர், சமையல் சோடா சேர்த்து நன்கு கலந்துகொள்ளவும்..

வெண்ணெய், (Fridge இருந்தால் அறைச்சூட்டிற்குக் கொண்டுவரவும்.) தயிர் சேர்த்து நன்கு கையால் பிசையவும்.

தேவையான அளவு தண்ணீர் சேர்த்து சப்பாத்தி மாவுப் பதத்திற்குப் பிசைந்துகொள்ளவும். தொடர்ந்து ஒரு பத்து,

பதினைந்து நிமிடங்களுக்கு நன்கு அடித்துப் பிசையவும்.

பிசைந்த மாவை அப்படியே பத்து நிமிடங்களுக்கு வைத்துவிட்டு அடுப்பில் ஒரு வாயகன்ற பாத்திரத்தில் சர்க்கரை, தண்ணீர் சேர்த்து ஜீரா தயாரிக்கவும்.

சர்க்கரை கரைந்து கையில் ஒட்டும் பதம் வரும்போது (பாகுப் பதம் வந்துவிடக் கூடாது.) அடுப்பை அணைத்து, ஏலப்பொடி, எலுமிச்சைச் சாறு, விரும்பினால் நிறப்பொடி கலந்து ஆறவிடவும்.

சிறு சிறு உருண்டைகாக்கி அதனை லைட்டாக இரண்டு கைகளால் லேசாக அமுக்கி வைத்துக் கொள்ளவும்.

இப்படியே மொத்த மாவையும் தயாரித்துக்கொள்ளவும்.

அடுப்பில் வாணலியில் எண்ணெய் வைத்து, காய்ந்ததும், ஒரு சிறு உருண்டையைப் போடவும். உருண்டை கொதித்து, பொரிப்பொரியாக மேலே வந்தால் அதுவே எண்ணெய்ச் சூட்டின் சரியான பதம்.

அடுப்பை அணைத்துவிட்டு ஒவ்வொரு பாதுஷாவாக- சுமார் ஏழு அல்லது எட்டு- மெதுவாக எண்ணெயில் போடவும். போட்டவுடனே அடியில் போய், பின் ஒவ்வொன்றாக மேலே வர ஆரம்பிக்கும்.

எல்லா பாதுஷாவும் மேலே வந்துவிட்டதா என்று சரிபார்த்தபின்பே அடுப்பைத் திரும்ப எரியவிட்டு சிம்மில் வைக்கவும்.

பொறுமையாக அவ்வப்போது திருப்பிவிட்டு நிதானமாக இரண்டு பக்கமும் பொன்னிறமாகும்வரை வேகவிட்டு எடுக்கவும்.

சில நொடிகள் வடிதட்டில் வைத்து எண்ணெயை வடித்துவிட்டு சூட்டுடனே, ஆறிய பாகில் மெதுவாகப் போடவும்.

பதினைந்து இருபது நிமிடங்கள் நன்கு ஊறி, பாதுஷா மிருதுவானவுடன் வேறு பாத்திரத்தில் எடுத்துவைக்கவும்.